Yi dai jian wang / El maestro de la espada

Yi dai jian wang / El maestro de la espada
(Taiwán, 1968)

Dirección: Joseph Kuo. Guión: Tien-Yung Hsu, Joseph Kuo. Fotografía: Lin Tsan-Ting. Intérpretes: Polly Shang-Kwan Ling Feng, Tin Peng. Dur: 85'.

Para poder obter unha espada lendaria, Yun Chung-Chun está ao mando dunha banda que se dirixe ao fogar do vello mestre de espada Chang Shan-Gong. Alí matan a todos, agás ao fillo deste, Tsai Ying-Jie, antes de roubar a prezada posesión. Dezaoito anos despois, Tsai Ying-Jie, convertido el mesmo en mestre da espada, pon en marcha un plan de vinganza, mais envelénano e sálvao a muller guerreira Andoriña Voadora. Mais tarde descobre que Andoriña Voadora é, en realidade, a filla de Yun Chung-Chun, que andou á procura do fillo supervivente de Chang Shan-Gong para expiar os pecados do pai. Ante este golpe do destino, que ha decidir Tsai Ying-Jie: vingar a seu pai ou recompensar a Andoriña Voadora por salvar a súa vida?

Éxito de recadación, El maestro de la espada está considerado un dos filmes wuxia en chinés máis representativos da filmografía taiwanesa, tanto pola súa emocionante coreografía de acción que mestura a Escola do Norte das artes marciais chinesas co bushido xaponés, así como pola filosofía de vida que se mostra a través da loita interna do protagonista entre a súa teima e a aprendizaxe do esquecemento.