Sesión traballos: Roi Carballido e Seném Outeiro

SOMOS ACÓ
(España, 2013)
Dirección e produción: Roi Carballido e Seném Outeiro. Produción: Filmika Galaika. Duración: 32 minutos.
Documentario que denuncia o sufrimento das familias do rural galego polo desmantelamento das escolas públicas por parte da administración. Tamén amosa a esperanza e a luita destas familias para defender o rural como medio para desenvolveren unha vida digna e con futuro. Este documentario foi rodado no verán de 2012 na montaña de Lugo e na cidade de Compostela froito da colaboración entre Fílmika Galaika e os diversos colectivos afectados polas políticas de desmantelamento da administración. Banda sonora de Quempallou.

ÍNSULA
(España, 2012)
Dirección e guión: Seném Outeiro. Produción: Roi Carballido para Filmika Galaika. Fotografía: Berto Palacios. Intérpretes: Xavier Estévez, Luis Iglesia, Antía Otero. Duración: 21 minutos.
A Guerra de Cuba tende ao súa fin. O tenente Álvaro de Souto-Maior chega ferido a unha illa, ao hospital militar para oficiais. Leva a fronte e os ollos vendados. Tras o seu ingreso, coñece ao Capitán Ernesto Ou´Donell que será o seu guía e detállaralle as fermosas paisaxes que se observan desde a xanela da habitación. Preocupado pola súa saúde, o tenente obriga a enfermeira a que lle desvele o seu estado. Ela infórmalle de que ten poucos días de vida debido á infección que o consume. Para soportar a súa fase terminal o tenente é anestesiado con infusións de láudano. Esa mesma noite, o Capitán Ernesto ofrécelle un pacto vital ao tenente: curarlle a infección a cambio de que abandone as armas. Distribúe Amén Cinema.

LUME DE FACHÓS
(España, 2013)
Dirección: Seném Outeiro. Duración: 32 minutos.