Sesión 4: Mulleres

Salut les Cubains, Agnès Varda, 1962, 35mm. 28'
Ella, Theodor Christensen, 1964, 35mm. 35'
Iré a Santiago, Sara Gómez, 1964, 35mm. 15'
Y tenemos sabor, Sara Gómez, 1967, 35mm. 30'

Salut les cubains, de Agnès Varda, é un filme subxectivo composto por instantáneas escollidas entre miles de fotografías tiradas pola cineasta na súa visita de 1962-63, combinadas con música cubana e breves comentarios. A cineasta definiu o filme como «socialismo e chachachá». Ella, realizada polo veterano cineasta danés Theodor Christensen, é a primeira película producida polo ICAIC para acometer o tema da posición da muller no marco da Revolución. Sara Gómez, destacada representante da intelectualidade negra, foi a primeira cineasta femenina en deixar a súa pegada no cine cubano. Iré a Santiago é unha viaxe de estilo free cinema, sobre un lugar onde «mulato é un estado de ánimo». Y tenemos sabor é un percorrido pola exótica gama de instrumentos de percusión empregados na música cubana e as orixes destes: claves, culleres, maracas, bongós, güiros (feitos con cabazas), chocas, queixadas de cabalo. Gómez era música de formación e a súa montaxe sincopada captura a rítmica cruzada da música, servíndolle de contrapunto.