Sesión 3: Tempos modernos

Sesión 3: Tempos modernos
A milagre económica chega a España a finais dos 50 tras dúas décadas de prolongada e autárquica posguerra. Co desenvolvemento industrial e a expansión da clase media, a publicidade florece e encontra na animación unha atractiva linguaxe con que engaiolar os novos consumidores. En Madrid, os Estudios Moro eríxense n a gran produtora de publicidade en España, con miles de anuncios en animación e imaxe real asinados por un grande elenco de directores: Pablo Núñez, Paul Casalini, Marcel Breuil e Francisco Macián. Imponse a estética norteamericana, na súa vertente máis estilizada, modern ou jazzy, característica dos estudios U.P.A. En España, José Luis Moro, debuxante, e o seu irmán Santiago, produtor, son os que mellor expresan esa tendencia, asinando unha das páxinas máis estimulantes de nosa cultura popular. Algúns dos mellores traballos dos Estudios Moro, os seus anuncios, por exemplo, gañadores de innúmeros premios internacionais ou o inesquecible Vamos a la cama (1965), iluminan esta sesión. Outras obras de similar estilización percorren outras décadas ata os nosos días da man de Robert Balser (californiano asentado en Barcelona), Julio Taltavull (co fermoso Romance de la doncella guerrera animado) e, máis recentemente, Isabel Herguera, Adriana Navarro, Carles Porta e Miguel Gallardo, entre outros.

Selección de spots de Estudios Moro 1954-1964, 16' 29''
Vamos a la cama, José Luis Moro, 1965, 36''
El sombrero, Robert Balser, 1964, 8' 15''
La doncella guerrera, Julio Taltavull, 1974, 11' 39''
William Wilson, Jorge Dayas, 1999, 10' 28''
La gallina ciega, Isabel Herguera, 2005, 7'17''
Las vidas ejemplares, Carles Porta, 2008, 11' 24''
El viaje de María, Miguel Gallardo, 2010, 5' 42''
Vía Tango, Adriana Navarro, 2013, 3' 21''
Onemoretime, José González, Tonet Calabuig e Elisa Martínez, 2014, 5'
(Para todos los públicos)