Sesión 2: Batallas

Cuba, pueblo armado, Joris Ivens, 1961, 35mm. 35'
Historia de una batalla, Manuel Octavio Gómez, 1962, 35mm. 39'
Ciclón, Santiago Álvarez, 1963, 35mm. 22'
Now, Santiago Álvarez, 1965, 35mm. 6'

O ICAIC convidou a cineastas estranxeiros simpatizantes da Revolución a realizaren estadías de traballo, unha de cuxas consecuencias será o intercambio entre a vangarda internacional e a nova experiencia fílmica cubana. O máis importante deles foi o Joris Ivens, que decide filmar a l Milicia Popular, non o Exército Rebelde, coa finalidade de retratar o carácter eminentemente popular da Revolución. A confrontación bélica de Historia de una batalla, de Manuel Octavio Gómez, é a campaña de alfabetización de 1961. A película mestura manifestacións masivas, o Che Guevara na ONU e os acontecementos de Playa Girón para exemplificar o xogo de forzas sociais e políticas en que se encadraba a campaña pola educación. Ciclón, de Santiago Álvarez, é un noticiario cinematográfico sobre a pasaxe dun devastador furacán pola illa e as subseguintes operacións de rescate. Ao combinar as secuencias rodadas de forma simultánea por unha multitude de cámaras situadas en diferentes lugares, Álvarez comeza a superar o formato tradicional do noticiario cinematográfico. Now é unha homenaxe ao movemento dos dereitos civís en Estados Unidos e unha fazaña da montaxe, xa que utiliza metraxe atopada para crear a posta en escena dunha canción protesta prohibida, interpretada pola cantante de jazz Lena Horne.