Sesión 11: Perspectivas II

Hombres de Mal Tiempo, Alejandro Saderman, 1968, HD. 32’
LBJ, Santiago Álvarez, 1968, 35mm. 18’
Despegue a las 18:00, Santiago Álvarez, 1969, HD. 41’
Café Arábiga, Nicolás Guillén Landrián, 1968, HD. 18’
Isla del Tesoro, Sara Gómez, 1969, HD. 10’

Hombres de Mal Tiempo, realizada polo arxentino Alejandro Saderman, é unha meditación fílmica sobre a representación da historia, onde se reúnen a cinco veteranos centenarios da guerra de independencia para que partillen as súas lembranzas e instrúan os actores á hora de escenificaren a experiencia. LBJ, de Santiago Álvarez, é pura sátira política. Unha asombrosa peza de montaxe visual e musical realizada a partir de metraxe atopada, sen narración nin mensaxe explícita. Despegue a las 18:00, tamén de Santiago Álvarez, anuncia a súa intención nos títulos de crédito: «una película didáctica, informativa, política e panfletaria sobre un pobo en revolución, desacougado e desesperado por encontrar unha salida á atroz herdanza do subdesenvolvemento». En Café Arábiga, Nicolás Guillén Landrián representa un contrapunto a Santiago Álvarez. A montaxe, a mestura textual-sonora cos Beatles e a poesía de Nicolás Guillén e a abstracción dos intertítulos afástanse da sátira política para se aproximar a un proxecto sutil e poético. Para acabar a sesión, a Isla del Tesoro, de Sara Gómez, é unha breve peza que xustapón o Presidio Modelo, onde Batista encarcerou a Fidel, e a produción de cítricos que acaban etiquetados como «Pomelos de la Isla del Tesoro. Producto de Cuba».