Sesión 1. Comezos
VV.AA, 1955-1961
87'. 35mm/ HD
El Mégano, Julio Garcia Espinosa y Tomás Gutiérrez Alea, 1955, 35mm. 25'
La vivienda, Julio García Espinosa, 1959, HD. 21'
Sexto aniversario, Julio García Espinosa, 1959, HD. 18'
Asamblea General, Tomás Gutiérrez Alea, 1960, HD. 14'
Noticiero 49, Santiago Álvarez, 1961, HD. 9'
Esta primera sesión tenta mostrar as orixes do modelo visual do documental en Cuba. El Mégano, traballo precursor da experiencia do ICAIC, denuncia as condicións miserables dos traballadores do carbón na rexión da Ciénaga de Zapata partindo da reconstrución neorrealista. La vivienda trata a reforma urbana, en canto Sexto aniversario debe o seu título á celebración do sexto aniversario do ataque ao Cuartel Moncada, o 26 de xullo de 1953. Asamblea general, de Tomás Gutiérrez Alea, presenta desde os presupostos do free cinema a gran concentración en que se proclamou a Primeira Declaración da Habana. Noticiero 49, de Santiago Álvarez, trata a celebración dun festival de cine checo na Habana, a estrea dunha película sobre Cuba realizada polo veterano documentalista soviético Roman Karmen e a nacionalización por parte do ICAIC das distribuidoras cinematográficas norteamericanas, cuxas copias constituíron un arquivo e laboratorio de imaxe cinematográfica ao que se podía recorrer libremente.