Rentrée des classes / La vuelta a clase + Petite lumière

Estas dúas películas proxéctanse no marco do programa pedagóxico CinEd para a educación no cine europeo dos máis noviños.

Rentrée des classes / La vuelta a clase
(Francia, 1955)

Dirección: Jacques Rozier. Guión: Michelle O'Glor, Jacques Rozier. Intérpretes: René Boglio, Marius Sumian. Dur: 24'.

Nun pequeno lugar da Provenza, un novo curso escolar comeza. René non fixo os
deberes durante as vacacións e, de camiño ao colexio, guinda a carteira ao río e parte
cara ao bosque. Rodeado de natureza, distráese durante unhas horas antes de atopar a
súa carteira...

Petite lumière
(Francia, Senegal, 2003)

Dirección e guión: Alain Gomis. Fotografía: Aurélien Devaux. Intérpretes: Assy Fall, Djolof Mbengue, Awa Nyabe. Dur: 15'.

Fátima é unha cativa de 8 anos. Cada vez que abre o frigorífico,
pregúntase se a luz permanece acendida cando o pecha. Descobre que non é así. De modo
que Fátima baixa á rúa e pecha os ollos, ábreos e péchaos... A xente segue existindo
cando permanece cos ollos pechados?

Recomendadas a partir dos 7 anos.