Quen teme a Jean-Luc Godard?
Del 1 de abril de 2011 al 30 de abril de 2011
A revolución constante que representa o cine de Jean-Luc Godard e o entusiasmo espertado polo seu último traballo, Film: Socialisme (2010), estreado en España, permite organizar un seminario en torno a este filme e a propia evolución do autor nos últimos anos. O seminario “Quen teme a Jean Luc Godard?” terá lugar na tarde do venres 29 de abril coa coordinación de Ángel Quintana e a intervención dun lendario estudoso da obra de Godard, o francés Alain Bergala –aproveitamos para proxectar o documental que realizou sobre Víctor Erice para a serie -, Gonzalo de Lucas e o propio Quintana.
A matrícula é libre, a inscrición gratuíta (contacto a través do correo electrónico info@cgai.org con prazas limitadas.
“Jean Luc Godard é unha figura que incomoda. A pesar de que as conquistas levadas a cabo pola modernidade cinematográfica que estalou coa Nouvelle Vague son un eco afastado, o seu modelo de cine molesta e xera certos debates. A controversia Godard vén determinada pola súa capacidade visionaria, por ser un dos poucos autores que despois de cincuenta anos de actividade conseguiu manterse sempre na vangarda e cuestionar en solitario o cine desde as súas raíces. Godard atenta contra o relato, contra as formas canónicas de representación, contra os sistemas de produción e contra as formas de difusión da imaxe, mentres abre un camiño cara a un incerto futuro. Se cremos que non é preciso temer a Jean-Luc Godard é porque xunto co creador existe tamén un gran pensador do cine que foi capaz de situar a imaxe no epicentro da súa contemporaneidade achégandoa ás conquistas da arte, da política. É preciso repensar a Godard, porque a súa obra encerra algunhas das claves básicas para entender que é o cine hoxe e cara a onde se proxecta”.
Ángel Quintana
17.00 h.-17.45 h. Alain Bergala. Por que non hai ninguén como Jean-Luc Godard?
17.45 h.-18.30 h. Gonzalo de Lucas. O pensamento Godard
18.30 h.-18.45 h. Pausa
18.45 h.-19.30 h. Ángel Quintana. Godard e o museo imaxinario
19.30 h.-20.15 h. Debate con Alain Bergala, Gonzalo de Lucas e Ángel Quintana
Agradecementos: Alain Bergala, Ángel Quintana, Gonzalo de Lucas.
![JLG/JLG JLG/JLG](https://filmotecadegalicia.xunta.gal/sites/w_pcgai/files/styles/large/public/programacion_2175.png?itok=3ChWnzU_)
JLG/JLG
![Elogio del amor](https://filmotecadegalicia.xunta.gal/sites/w_pcgai/files/styles/large/public/image-w1280_2.jpg?itok=hO94_2bh)
Elogio del amor
![Film socialisme Film socialisme](https://filmotecadegalicia.xunta.gal/sites/w_pcgai/files/styles/large/public/programacion_2177.jpg?itok=-NUdq1_d)
Film socialisme
![Nuestra música Nuestra música](https://filmotecadegalicia.xunta.gal/sites/w_pcgai/files/styles/large/public/programacion_2178.jpg?itok=vgzuSzQM)
Nuestra música
![Film socialisme Film socialisme](https://filmotecadegalicia.xunta.gal/sites/w_pcgai/files/styles/large/public/programacion_2180.jpg?itok=MtgKaW4G)