Fuera de serie

Esta sección céntrase este mes nalgúns dos nomes máis representativos do recente cine independente americano. Sayles e Jarmusch estiveron presentes no ciclo “A tradición independente no cine norteamericano”; “Silver City” e “Coffee and Cigarettes” son as súas últimas películas. Soderbergh, aínda que instalado en Hollywood, achégase de cando en vez, como é o caso de “Full Frontal”, aos territorios da independencia. A súa opera prima, “Sexo, mentiras e cintas de vídeo” (1989), fora unha das primeiras películas independentes en obter unha ampla difusión instituíndo de paso un novo modelo de facer cine: a independencia segundo Sundance e Miramax.