Orphée / Orfeo

Orphée / Orfeo
(Francia, 1950)
Dirección e guión: Jean Cocteau. Fotografía: Nicolas Hayer. Intérpretes: Jean Marais, François Périer, María Casares, Maria Déa, Henri Crémieux, Juliette Gréco. Dur: 95'.

“Jean Cocteau é un dos cineastas máis estraños e fascinantes que deu o cine en toda a súa existencia. Home polifacético en canto á arte —foi pintor e escritor en varios xéneros literarios—, chegou a colaborar con xente como Erik Satie, Igor Stravinsky e Pablo Picasso. Atraído polo cine de vangarda, un vizconde fináncialle a súa primeira película —La sangre de un poeta (Le sang d’un poète, 1930)— que xunto a Orfeo (Orphée, 1950) e El testamento de ‘Orfeo’ (Le testament d’Orphée, ou ne me demandez pas pourquoi!, 1960) compoñen unha triloxía temática que navega ao redor do mito de Orfeo.
(…) A historia de amor de Orfeo supera todo os límites coñecidos. O poeta namorado da morte, a morte namorada del e, dándolle a volta á mitoloxía, ela pode mirar mais, non posuír o que mira. Un amor imposible que transcende os propios límites da vida, tras a cal existe outro mundo en que a morte é un emisario máis —impagable detalle de guión—, ao servizo dun poder maior que dita as leis no inframundo. A morte, que na película recibe o nome de princesa, está interpretada pola coruñesa María Casares —nun papel rexeitado por Greta Garbo e Marlene Dietrich, que, sen dúbida, estarían igual de sensacionais—, quen namora literalmente a cámara nunha arriscada composición (...)”.
(Alberto Abuín, “Orfeo, la poesía de la muerte”, en Blog de cine)

Copia restaurada en 4K.