Ollo de vidro. Diaporamas.

O colectivo de creación audiovisual Ollo de vidro, integrado na A.C. Alexandre Bóveda, da Coruña, formouse a primeros do ano 1989. A realización de montaxes audiovisuais con diapositivas (diaporamas), de signo creativo ou didáctico, é un dos obxectivos do colectivo. "Dous proxectores de diapositivas e un sistema de sincronismo, máis unha equipa de son é canto necesitamos para realizar un diaporama. Un toque de técnica fotográfica específica, unha pisca de "gosto artístico"... e grandes doses de pacencia completan o guiso".