![SOS Comuneiros de Cabral SOS Comuneiros de Cabral](https://filmotecadegalicia.xunta.gal/sites/w_pcgai/files/styles/cover/public/programacion_2936.jpg?itok=r5LdJstF)
SOS Comuneiros de Cabral
Xisela Franco, 2013
35'. Vídeo. Presentación. Entrada de balde.
SOS COMUNEIROS DE CABRAL
(España, 2013)
Dirección e produción: Xisela Franco. Guión: Alfonso Álvarez Cañella. Duración: 35 minutos.
A historia da mobilización veciñal de Cabral, unha parroquia na periferia de Vigo, cuxos montes veciñais están en perigo de seren espoliados pola construción dun macrocentro comercial por parte da empresa inglesa "Eurofund". O parque forestal da Becerreira, un dos máis grandes e fermosos da cidade, quedaría arrasado, e a propia comunidade perdería unha grande parte da propiedade comunal. Esta operación marca o comezo dun importante pelotazo urbanístico que parece interesarlles promocionar ao Concello de Vigo e aos medios de comunicación locais, que silencian a discordia. Tamén é a historia da participación nesa especulación inmobiliaria da Xunta Reitora da comunidade, que, probablemente, cegada por intereses económicos, actúa contra o seu propio monte enfrontando veciños e exercendo un papel cheo de irregularidades.