El crepúsculo de los dioses

SUNSET BOULEVARD / EL CREPÚSCULO DE LOS DIOSES
(Estados Unidos, 1950)
Dirección: Billy Wilder. Guión: Charles Brackett, D. M. Marshman jr. e Billy Wilder. Produción: Paramount Pictures. Fotografía: John F. Seitz. Intérpretes: Gloria Swanson, William Holden, Erich von Stroheim. Duración: 110 minutos.
Hollywood. Joe Gillis, un guionista cheo de problemas, en desesperada situación económica, coñece unha antiga estrela do cine mudo, Norma Desmond. Totalmente fóra do mundo, Desmond contrátao como guionista e alóxao na súa mansión no que ela concibe coma a súa volta á gran pantalla. Cine sobre cine, estamos perante un filme de temporalidade xenuína, exemplar, erixido sobre un flash-back, o relato contado por un morto. Unha obra mestra, en que Wilder deixa constantes elementos da súa xenialidade: o humor, a relación co tempo, os xogos co pasado cinematográfico, o enxeño, a ironía e a capacidade para entrecruzar xéneros. A película que converteu en estrela a William Holden ao tempo que resucitaba a Gloria Swanson (en fascinante e doente simbiose con Erich von Stroheim) incorpora sagazmente aparicións de personaxes míticos de Hollywood como Cecil B. DeMille, Hedda Hopper ou Buster Keaton. Gañadora de 3 Óscars (guión, dirección artística e banda sonora) e 4 Globos de Ouro, entre eles o de mellor película (drama).