Chimes at Midnight
Orson Welles, 1965.
115'. DCP. Subt. castelán.
CHIMES AT MIDNIGHT / CAMPANADAS A MEDIANOCHE
(España-Suíza, 1965)
Dirección e guión: Orson Welles, sobre varias obras de William Shakesperare. Produción: International Films e Alpine. Fotografía: Edmond Richard. Intérpretes: Orson Welles, Keith Baxter. Duración: 115 minutos.
Presentación da restauración deste clásico de Orson Welles (1915-1985), unha produción española inspirada moi intelixentemente en varias obras de William Shakespeare que ten dúas versións: a española (dobrada) e mais a internacional. Debido a que o filme foi rodado sen son directo e por razóns económicas, a versión española tivo que estrearse antes, coa posproducción inacabada. Para esta versión restaurada duplicouse o negativo orixinal e tiráronse dúas copias coa etalonaxe establecida en cada momento por Welles para cadansúa versión. A conmovedora historia da relación entre o cabaleiro crápula Sir John Falstaff e o seu protexido, o príncipe Hal, fillo de Enrique IV e herdeiro á coroa, provoca unha das máis grandes operacións intertextuais da historia do cine, unha maxistral reflexión sobre o poder e as relacións humanas ben acompañada dun elenco de luxo: Jeanne Moreau, Margaret Rutherford, John Gielgud e Fernando Rey. Premiada en Cannes.