Banaras Me
David Varela, 2011
126'. Vídeo. Entrada de balde.
BANARAS ME
(España, 2011)
Dirección, guión e fotografía: David Varela. Produción: Lola Martínez, David Varela e Alejandro Mulattieri. Duración: 119 minutos.
Benarés é unha das cidades máis antigas e sagradas do mundo; unha cidade onde perdura aínda certo eco do ancestral. Lugar de residencia de Shiva, deus creador e destrutor de todo o posible, onde sentidos e liberación van de mans dadas. Nela agóchase esoutra cidade que entrevemos a través da bruma, do fume, da area: Kashi, a cidade da luz. Durante un ano completo –nun ciclo repetido sen descanso– sucédense os feitos e os ritmos que provocan cambios drásticos na fisionomía deste microcosmos da India. Voces, miradas, músicas, as mans dos homes e os ritos aos deuses; a indiferenza está prohibida neste lugar. Cadaquén ten o seu espazo e o seu tempo. Cada un, cada unha, fai a súa procura.