SIERRA DE TERUEL

SIERRA DE TERUEL / ESPOIR
(España-Francia, 1939)
Dirección: André Malraux. Guión: André Malraux, Boris Peskine, Max Aub. Argumento: a novela “L´Espoir” de André Malraux. Produtor: Edouard Corniglion-Molinier. Produción: Subsecretaría de Propaganda do Ministerio de Estado e Productions Corniglion-Molinier (Francia). Fotografía: Louis Page. Intérpretes: José Sempere, Andrés Mejuto, Julio Peña, Pedro Codina. Duración: 79 minutos.
Inesquecible achegamento en clave poética á morte, á soidade e á loita épica e ilusionada dun pobo que, de paso, incide nun aspecto de desequilibrio loxístico que definirá a guerra civil española, a precariedade armamentística do bando leal. A única incursión fílmica de Malraux é un filme insólito –incluída música de Darius Milhaud, colaboración de Aub- e maxistral que non se estrea en España até 1978, paradoxalmente encistando o artista e aventureiro francés, posterior ministro de De Gaulle, nun progresismo que iría abandonando.