NCI-20 Crebacabezas da memoria: Our shadows Will/ Heavens/ Abdul & Hamza
VV.AA, 2013-2014
76'. DCP. Subt. Galego
OUR SHADOWS WILL
(Francia / Suíza / Bosnia e Hercegovina / Serbia, 2014)
Dirección: Vladimir Perišić. Dur.: 8'.
1914. Un grupo de rapaces, fartos da situación sociopolítica do territorio ocupado e oprimidos no que viven, deciden levar a cabo unha acción radical alentados polas ideoloxías revolucionarias do momento. 2014. Pasaron cen anos.
DALJINE / Heavens
(Serbia / Montenegro, 2014)
Dirección: Jelena Maksimović & Ivan Salatić. Dur.: 19'.
Tras a guerra, Iugoslavia foi partida en anacos. Moitas familias víronse forzadas a se exiliar en diferentes partes do mundo. Esta película está composta por lembranzas da infancia fragmentadas, unha memoria reordenada a través das emocións, das sensacións, do inconsciente. Intres das orixes de cadaquén, das raíces familiares, da beleza e dos oníricos relampos de felicidade.
ABDUL AND HAMZA / Abdul & Hamza
(Serbia, 2013)
Dirección: Marko G. Singh. Dur.:49'.
Aproximadamente desde 2010, a rexión balcánica comezou a se establecer como nova ruta migratoria cara a Europa comunitaria, aínda que o fenómeno se converteu en noticia en 2015. Nesta película, o mozo cineasta Grba Singh segue o camiño dos emigrantes somalís reais ao seu paso por Serbia. Introdúcese a si mesmo nunha ficción paralela da película, e mediante recursos puramente cinematográficos, o director acompaña e axuda aos seus dous protagonistas nesta aventura vital.