More

More
(Francia, República Federal Alemá, Luxemburgo, 1969)

Dirección: Barbet Schroeder. Guión: Barbet Schroeder, Paul Gégauff. Fotografía: Néstor Almendros. Intérpretes: Mimsy Farmer, Klaus Grünberg, Heinz Engelmann, Michel Chanderli, Henry Wolf. Dur: 117'.

Stefan é un novo estudante alemán que chega a París facendo auto-stop. Alí namórase dunha rapaza norteamericana, Estelle, á que acaba seguindo nunha estraña viaxe a Ibiza, onde un home parece ser o dono dos seus designios. Vense involucrados no mundo das drogas.

Ópera prima do provocador Barbet Schroeder que conta con colaboracións moi destacables. Na banda sonora está Pink Floyd para acentuar a psicodelia. Tras da cámara figura Néstor Almendros, que viña de filmar con Éric Rohmer La coleccionista (1967). Máis tarde Almendros converteríase no director de fotografía máis reputado dos setenta, década na que asinou Días del cielo (1978) ou Kramer contra Kramer (1979), entre outras. En More tamén se encargou da dirección de arte.

Coa súa primeira longametraxe, Schroeder xa dá mostras da súa querenza polos personaxes ao límite e o seu desenfadado estilo. É unha das irrupcións máis relucentes no cine francés da época.