L’enfer / El infierno
Claude Chabrol, 1994
100’. Subt. castelán.
L’ENFER / EL INFIERNO
(Francia, 1994)
Dirección: Claude Chabrol. Guión: Claude Chabrol, coa colaboración de José-André Lacour, sobre o guión de 1964 de Henri-Georges Clouzot. Produción: MK2 Productions, Canal+, Procirep, France 3 Cinéma, CED Productions, Cinémanuel, Conseil Régional Midi-Pyrénées. Fotografía: Bernard Zitzermann. Intérpretes: Emmanuelle Béart, François Cluzet. Duración: 100 min.
Paul e Nelly, unha parella de recén casados, mercan un hotel no campo. O nacemento do seu primeiro fillo parece contribuír á felicidade do matrimonio. Porén, Paul sofre brutais ataques de ciumes. Ten problemas económicos e insomnio e a súa obsesión por Nelly comeza a ser unha tortura para a convivencia. O fecundo Claude Chabrol racha coa estrutura fragmentaria do orixinal de Clouzot e leva ao seu terreo o filme, de modo que a disección da condición humana, a perversa puntuación musical e o regusto polo xénero negro adquiren corpo. Interesante exercicio cinéfilo a sesión dobre co documental L’enfer de Henri-Georges Clouzot.