Larry Gottheim: Chants and Dances for Hand + The Red Thread + Filmes por determinar

Chants and Dances for Hand
(Estados Unidos, 2016)
Larry Gottheim / HD / cor / son / 35'

Hai escenas de cerimonias de vodú en que participei, escenas filmadas durante un levantamento, imaxes persoais
(Hand é o meu fillo, froito dun matrimonio haitiano) mais isto está lonxe dun documental. Non hai máis son que o
sincronizado que acompaña as imaxes. Os treitos dedicados a cinco cerimonias sepáranse por “interludios” que
presentan outro material, algún destes ábrese paso ao longo da metraxe. Trátase dunha potente rede de conexións sónicas e visuais, con pasaxes secretas entre os seus elementos. Poden xurdir ideas arredor da relación entre as cerimonias e a vida persoal e política, e arredor do público dentro e fóra do cine, vídeo e soños. (Larry Gottheim).

The Red Thread
(Estados Unidos, 1987)
Larry Gottheim / 16mm / cor / son / 15'

Gravado sobre todo en San Francisco e o norte de California, material filmado (usando a cámara case coma un im[pr/in]tor, un xeito de moldear o mundo visual coma película, mais sen reflexión) en resposta ao que o mundo estaba a abrir en min. “Material!” - analoxías entre tecer e enrolar fíos e imaxes que son xa un patrón na historia do cine (por exemplo, en Deren) ramifícanse aquí aínda máis en desenmarañados patróns de tea – e cine, así como en dimensións míticas e persoais. A estrutura aberta despregada, que se afasta do deseño equilibrado de boa parte da miña obra, outorga o mesmo peso á composición sonora. Implica “apertura” cos seus perigos e ambigüidades. (Larry Gottheim)

O FILME ‘NATURAL SELECTION’, INICIALMENTE ANUNCIADO NESTA SESIÓN, NON PODERÁ
PROXECTARSE, MAIS LARRY GOTTHEIM MOSTRARÁ OUTRAS PEZAS AÍNDA POR DETERMINAR.