El niño y el mundo / O menino e o mundo
Alê Abreu, 2013
80'. DCP. Sen diálogos (+10 anos). Entrada de balde
El niño y el mundo / O menino e o mundo
(Brasil, 2013)
Dirección e guión: Alê Abreu. Animación, sen diálogos. Dur.: 80'.
Un pequeno vive coa súa familia nunha agradable zona rural do Brasil, ata que seu pai ten que ir traballar á cidade. O neno decide emprender unha viaxe para atopalo, unha aventura apaixonante que o levará a descubrir outro mundo controlado pola tecnoloxía, polas máquinas e os medios de comunicación. A realidade do mundo moderno a través dos ollos dun pícaro. Mellor película e premio do público no Festival de Annecy, O menino e o mundo, é unha fábula que ilustra os dilemas do mundo moderno a través da mirada singular e inocente dun cativiño. Realizada con diferentes técnicas de animación ao servizo da historia e con imaxes de gran beleza, sobrancea tamén polo uso excepcional da música brasileira. Película recomendada para nenos a partir dos 10 anos.