Carretera perdida / Lost Highway

Carretera perdida / Lost Highway
(EEUU, 1997)
Dirección: David Lynch. Guión: David Lynch, Barry Gifford. Fotografía: Peter Deming. Música: Angelo Badalamenti. Intérpretes: Bill Pullman, Patricia Arquette, John Roselius, Louis Eppolito. Dur.: 134'.
Unha mañá, Fred Madison, un músico de jazz residente nos Ánxeles, recibe polo interfono da súa casa unha mensaxe: “Dick Laurent está morto”. Cando se asoma á fiestra ve as rúas baleiras e escoita sirenas da policía a se afastaren. Esa noite, Fred, que toca o saxofón nun club nocturno, marcha a traballar en canto a súa esposa, Renée, fica na casa, xa que se sente indisposta. Á mañá seguinte, a parella encontra na entrada do seu fogar un paquete cunha videocasete no seu interior. A gravación só mostra tomas da fachada da casa desde a rúa.