Bird on a Wire

Bird on a Wire
(Reino Unido, 1974)
Dirección, guión e montaxe: Tony Palmer. Dur.: 105'.
O Dont look back de Cohen. Unha visión única do cantautor na metade da súa gafada xira mundial de 1972, cando emprendeu un esgotador tour por 20 cidades, de Dublín a Xerusalén. Se non fose porque non cremos nesas cousas, falariamos de mal de ollo: cando non se trata de graves problemas técnicos son promotores hostís, servizos de seguridade violentos, fans queixosos ou groupies ardentes. En metade de todo isto, o paciente Cohen tómao con filosofía, e maquina (en directo, ou en privado) sobre a súa arte, sobre o éxito (“o éxito é supervivencia”), sobre a súa conexión con todas esas cancións (“estou condenado a repetilas como un loro encadeado ao seu soporte”), sobre como unha canción pode “volverse inhabitable, cando perdes contacto coa emoción”. E chancea. Ri de si mesmo, e da súa aureola de tipo atribulado, e de todos os tropezóns (“Deshonreime a min mesmo, Tony”). E toca, claro: “Suzanne”, “Sisters of mercy”, “So long Marianne”... Un sabio da música popular cazado nun período crucial.