Cine / Vídeo / Dixital

Unha aproximación ás aplicacións das novas tecnoloxías dixitais e as rodaxes en vídeo no cine contemporáneo. Desde o cine de efectos especiais e o cine de animación en 3D ás producións independentes tanto de ficción como documentais que, a partir da exitosa irrupción do movemento Dogma 95, comezaron a utilizar nas rodaxes o vídeo para abaratar custos. Visións opostas en canto a formulacións e medios que, paradoxalmente, conflúen nunha nova estética que, nun futuro máis ou menos próximo, terá a súa primeira consecuencia nas proxeccións dixitais e na (probable) desaparición do celuloide. O ciclo estenderase ó longo dos vindeiros meses intentando reflictir esta diversidade de aplicacións da tecnoloxia dixital.