Sabrina

SABRINA
(Estados Unidos, 1954)
Dirección: Billy Wilder. Guión: Ernst Lehman, Billy Wilder e Samuel Taylor, sobre a obra teatral deste último. Produción: Paramount Pictures. Fotografía: Charles Lang. Intérpretes: Audrey Hepburn, William Holden, Humphrey Bogart. Duración: 113 minutos.
Unha moza, Sabrina, vive na casa dunha poderosa familia, os Larrabee. O seu pai é o chofer. Sabrina está namorada do fillo máis novo, David. Tras unha tentativa de suicidio, envíana a París a estudar cociña. Axiña volve convertida nunha elegante e sedutora moza. Mítica comedia romántica posuidora de encanto, ritmo, nomeada a 6 Óscar -gañaría o de mellor vestiario. Un eficaz (nalgún caso inesquecible) traballo de actores, e que, sostida nun coidado deseño de produción, foxe da compracencia. O papel de Humprhey Bogart foi rexeitado por Cary Grant, actor que, estrañamente, nunca traballaría con Wilder.