Y la nave va

E LA NAVE VA / Y LA NAVE VA
(Italia-Francia, 1983)
Dirección: Federico Fellini. Guión: Federico Fellini e Tonino Guerra. Produción: RAI, Vides Produzione (Italia) e Gaumont (Francia). Fotografía: Giuseppe Rotunno. Intérpretes: Freddie Jones, Barbara Jefford. Duración: 132 minutos.
1914, un barco transporta as cinzas dunha famosa cantante de ópera, Edmea Tentua. O barco vai cheo de atípicos personaxes que pretenden enterrar a diva nunha illa do Mediterráneo. Impregnada de melancolía, Fellini leva ás últimas consecuencias a súa noción de entroido, apropiándose pertinentemente do mundo operístico, que consente unha posta en escena e elementos tan barrocos como espectaculares afíns aos seus intereses. Outra produción colosal con dezaseis semanas de rodaxe, máis de cen actores e varios estudos de Cinecittà empregados, capaz de crear un xogo-homenaxe-apropiación de estilos da historia do cinema que engarza coa dimensión histórica do que se conta.