Historias extraordinarias
Roger Vadim, Louis Malle e Federico Fellini, 1968
121'. Subt. galego.
TRE PASSI NEL DELIRIO / HISTORIAS EXTRAORDINARIAS
(Italia-Francia, 1968)
Dirección: Roger Vadim (Metzengerstein), Louis Malle (William Wilson) e Federico Fellini (Toby Dammit). Guión: Roger Vadim, Pascal Cousin (Metzengerstein), Louis Malle, Clement Biddle, Daniel Boulanger (William Wilson), Federico Fellini e Bernardino Zapponi (Toby Dammit). Produción: Les Films Marceau-Cocinor (Francia) e Produzione Europee Associate (Italia). Fotografía: Claude Renoir, Tonino Delli Colli e Giuseppe Rotunno. Intérpretes: Jane Fonda, Alain Delon, Terence Stamp, Brigitte Bardot, Peter Fonda. Duración: 121 minutos.
Película colectiva que adapta tres relatos de Edgar Allan Poe, os outros dous dirixidos por Roger Vadim e Louis Malle. Iniciativa do produtor francés Raymond Eger, chéganse a barallar nomes tan heteroxéneos como os de Orson Welles, Luchino Visconti ou Joseph Losey. Fellini asina o mellor episodio da película. Un relato de terror –persoal versión de Non apostes a túa cabeza co demo, un dos peores contos do escritor estadounidense- permite ao autor xerar un clima alucinóxeno en torno a un punto de partida antinaturalista, a aterraxe en Roma dun actor en decadencia, sepultado polas súas pantasmas, que vén rodar un western católico financiado polo Vaticano.