Fellini: Yo soy un gran mentiroso

FELLINI: JE SUIS UN GRAND MENTEUR / FELLINI: SOY UN GRAN MENTIROSO
(Italia-Francia-Reino Unido, 2002)
Dirección: Damian Pettigrew. Guión: Damian Pettigrew e Olivier Gal. Produción: Portrait & Cie, ARTE France, Tele+, Dream Film e Asylum Pictures. Fotografía: Paco Wiser. Duración: 105 min. Moitos son os aspectos tratados nesta achega documental a Federico Fellini. Grazas a unha longa entrevista realizada ao mestre italiano en 1992, un ano antes de morrer, unha escolma de imaxes dos seus filmes e un repertorio de entrevistas posteriores a colaboradores seus (Dante Ferretti, Giuseppe Rotunno, Tullio Pinelli, Terence Stamp ou Donald Sutherland) e persoeiros culturais como Italo Calvino, o resultado é un magnífico manual de métodos de traballo, de inmersión na súa obra, ademais de mostra da súa persoal idiosincrasia. A importancia da psicoanálise, o amor e a morte, a precisión e meticulosidade –mesmo secuencias de filmación e ensaios– na execución das propostas conforman o retrato do artista como lúcido subversivo, impugnador de dogmas. Como resumo unha declaración de intencións do propio Fellini: “o cine é unha forma de pintura, inclusive antes que de literatura ou de teatro”.