George Harrison: Living in the Material World

GEORGE HARRISON: LIVING IN THE MATERIAL WORLD
(Estados Unidos, 2011)
Dirección: Martin Scorsese. Produción: Grove Street Pictures, Spitfire Pictures, Sikelia Productions e Grove Street Productions. Fotografía: Robert Richardson e Martin Kenzie. Duración: 208 minutos. Con imaxes e gravacións inéditas, o documental de Martin Scorsese vai do nacemento de George Harrison en 1943 ata a súa morte en 2001. Moitos sucesos, os seus anos tolos como Beatle, os altos e baixos da súa carreira en solitario, a súa experiencia como produtor (os Monty Python), todo salpicado polas alegrías e mágoas da súa vida privada. Harrison viaxou, coñeceu a moitos dos grandes personaxes do século XX. Á marxe da épica, un traballo cheo de material de arquivo que tenta indagar na dimensión máis persoal de Harrison. Xentes como Eric Clapton, Terry Gilliam, Eric Idle, George Martin, Paul McCartney, Yoko Ono, Tom Petty, Phil Spector, Ringo Starr ou Jackie Stewart, entre outros, falan abertamente sobre George e as vivencias que compartiron con el.