Falso culpable
Alfred Hitchcock, 1957.
105’. Subt. Castelán
THE WRONG MAN / FALSO CULPABLE
(Estados Unidos, 1957)
Dirección: Alfred Hitchcock. Guión: Maxwell Anderson e Angus McPhail, sobre un libro do primeiro. Produción: Warner Bros. Fotografía: Robert Burks. Intérpretes: Henry Fonda, Vera Miles, Anthony Quayle. Duración: 105 minutos.
A un músico honrado e de vida apracible confúndeno cun ladrón e detéñeno. O seu calvario non fai máis que comezar. Inspirada nun feito real, Hitchcock, na súa ansia de evolución, prescinde de todo ornamento e presenta un relato depurado e pesimista centrado nun espléndido Henry Fonda. “Hitchcock, o director máis preocupado por renovarse, quere facer experimentar ao público un impacto emocional dunha natureza menos frecuente, desde logo, que o calafrío habitual” (François Truffaut, Les films de ma vie, 1975).