L’Etrange Monsieur Victor
Jean Grémillon, 1938.
113’. Subt. Castelán.
L´ÉTRANGE MONSIEUR VICTOR
(Francia-Alemaña, 1938)
Dirección: Jean Grémillon. Guión: Marcel Achard, Charles Spaak e Albert Valentin. Produción: ACE e UFA. Fotografía: Werner Krien. Intérpretes: Raimu, Pierre Blanchar, Madeleine Renaud. Duración: 113 minutos.
Con elementos do realismo poético en voga no cine francés dos anos 30, Grémillon describe a historia dun comerciante afable -encarnado polo excelente actor Raimu- cunha dobre vida. Comete un asasinato, pero, ante a súa indiferenza, atribúeselle a outro home, un zapateiro enviado ao cárcere. Melancólica, creadora de atmosfera e chea de pequenas doses de humor, un prólogo ao que case será unha vertente propia no cine francés, a turbia e criminal alteración da vida de provincias e o proverbial sentido das aparencias.