Poesía

POETRY / POESÍA
(Corea do Sur, 2010)
Dirección e guión: Lee Changdong. Produción: Pinehouse Film en colaboración con Unikorea Culture&Art Investment. Fotografía: Kim Hyunseok. Intérpretes: Yun Junghee, Lee David. Duración: 139 minutos.
Mija, unha muller elegante, imprevisible e chea de curiosidade, vive co seu neto adolescente nunha pequena cidade dormitorio preto do río Han. Apúntase por casualidade a un obradoiro de poesía nun centro cultural do barrio e, por vez primeira na súa vida, vese obrigada a escribir un poema. Olla a vida e, de súpeto, unha nova enerxía apodérase dela. Pero a dura realidade tamén comeza a asomar. Premio ao mellor guión en Cannes 2010 para o maxistral autor de Peppermint Candy (1999), Oasis (2002) e Secret sunshine (2007).