EL BUSCAVIDAS

THE HUSTLER / EL BUSCAVIDAS
(Estados Unidos, 1961)
Dirección: Robert Rossen. Guión: Sidney Carroll e Robert Rossen, libre adaptación do libro de Walter Tevis. Produción: Rossen Films, Twentieth Century Fox. Fotografía: Eugene Shuftan. Intérpretes: Paul Newman, Jackie Gleason, Piper Laurie, George C. Scott. Duración: 135 minutos.
Un perdedor nato, Eddie Felson, ten un don: é un xenial xogador de billar. Relacionado cunha novelista fracasada, a Felson chégalle a súa grande oportunidade cando ten ocasión de medirse cun mítico campión, o veterano Gordo de Minnessotta. Lonxe de todo maniqueísmo, un poderoso relato sobre o éxito e a traizón, cheo de simbolismos, complexidades e un memorable reparto. Deu lugar a unha secuela, El color del dinero (1986) de Martin Scorsese, que recuperaba o personaxe de Felson e que o CGAI proxectará dentro deste ciclo no mes de maio.