MAMBO

MAMBO
(Italia, 1954)
Dirección: Robert Rossen. Guión: Robert Rossen, Ivo Perilli, Ennio De Concini e Guido Piovene, segundo o argumento de Ennio De Concini. Produción: Ponti-De Laurentiis Cinematografica para Paramount Pictures. Fotografía: Harold G. Rosson. Intérpretes: Silvana Mangano, Michael Rennie, Vittorio Gassman, Shelley Winters. Duración: 94 minutos.
Coaccionado desde distintas frontes, o 7 de maio de 1953 Rossen confesa ante o Comité de Actividades Anti-americanas a súa antiga pertenza ao partido comunista ao tempo que delata a algúns compañeiros. Esta actitude determina a súa obra posterior. Primeiro autoexíliase a Italia, devoto el do cine neorrealista, para narrar as desventuras amorosas e profesionais dunha moza veneciana, con curiosos apuntes de ambigüidade, incluso sexual, nas relacións dos personaxes.