LA VIDA MANDA
David Lean, 1944
111´. Subtítulos en castelán.
THIS HAPPY BREED / LA VIDA MANDA
(Gran Bretaña, 1944)
Dirección: David Lean. Guión: David Lean, Noël Coward, Ronald Neame e Anthony Havelock-Allan, sobre a obra de Noël Coward “Cavalcade”. Produción: Two Cities. Fotografía: Ronald Neame. Intérpretes: Robert Newton, Celia Johnson, John Mills, Kay Walsh. Duración: 111 minutos.
Saga familiar que completa a vision das peripecias bélicas do título anterior. Centrándose esta vez no ámbito doméstico, sufrinte e cotián que se amosa no transfondo das guerras, ofrécesenos a vida dos Gibbons, familia de clase media, desde a I Guerra Mundial ata o estalido da Segunda. Lean crece na procura dunha posta en escena rigorosa e fluída, ao tempo que obtén unha excelente prestación do elenco, coa inclusión do gran Stanley Holloway e a posibilidade de escoitar a voz de Laurence Olivier como narrador.